Katsina Times

Breaking News

TATSUNIYA: Labarin Dan Buwaila da Bangorinsa

Katsina City News
23 Nov, 2024
View 44

Ga ta nan, ga ta nanku.

Akwai wani kauye mai suna Wake-Wake, kusa da Dajin Aljanu, inda aka haifi wata mata mai 'ya'ya biyu, mace da namiji. Wata rana, mahara masu yawan gaske da yawan makamai suka kai wa kauyen harin bazata. Fada ya kaure, kuma aka yi musu kaca-kaca. Gawarwakin mutanen kauyen Wake-Wake suna yawo a ko'ina, mata da tsofaffi da kananan yara sun ruddu, hankalinsu ya tashi, gigita ta yawaita.

A yayin da uwar yaran ta ga mahara suna hallaka mutane da yawa a garin, ta suri 'yarta domin ta kare ta daga hare-haren. Namijin ya ga haka sai ya ce: "Iya, ba za ki iya kare ni ba? Ni ne fa zan kula da gonarki idan na girma, in gina miki gida, kuma in tara miki shanu da sauran dukiya." Sai uwar ta saki 'yar, ta dauki namijin.

Da budurwar ta ga hakan, sai ta ce: "Haba Iya, ki kula da ni, domin ni ce mai yi miki wanke-wanke, daukar ruwa, da shara, in taya ki girki da sauran ayyukan gida. Idan ba ki kula da ni ba, mahara zasu kashe ni, wa zai taimake ki?"

Da mahaifiyarta ta ji haka, sai ta ajiye namijin, ta dauki yarinyar suka buya a wani wuri da mahara ba zasu gan su ba. Namijin ya ga hakan, sai ya zuba numfashinsa cikin kwanciyar hankali, yana kokarin boye alamar jin rai daga mahara.

Cikin ganyen kabewar da ya yi yado, ya buya, ko motsi ba ya yi. Sai ga mahara suna wucewa kusa da inda ya buya, daga cikin su wani ya ce: "Kai baraden, mu duba cikin ciyawar." Jarmai, jagoran su, ya ce: "Kai dai wawa ne, yaya mutum zai iya boye a nan? Na ji kanshin mutum."

Bayan Jarmai ya ce haka, sai hankalin mahara ya sauka, ba su duba ba. Yaron ya tabbatar da cewa mahara sun tafi, sai ya fito daga maboyarsa. Yana cikin tafiya, sai ya ga bishiyar Buwaila. Ya hau saman bishiyar, ya fara ratsa itace. Bishiyar ta ce: "Kai yaro, me za ka yi da ni idan ka sare ni?"

Yaron ya amsa: "Zan ci ka, yunwa da kishirwa sun dame ni."

Bishiyar ta tausaya, ta ce: "Za ka ga tukwane guda biyar a hannun dama na, daya ta abinci, daya ta ruwa, daya ta wurin wanka, daya ta bayan gida, da kuma ta wurin barci." Yaron ya yi murna, ya gode, ya ci abinci, ya sha ruwa, ya yi wanka, sannan ya huta.

Lokaci ya tafi, mutanen garin Wake-Wake sun fara jin labarin Dan Buwaila, kuma suka yi masa lakabi da wannan suna. Bishiyar ta ce masa: "Ya kamata ka mallaki dukiyar kanka saboda halinka na yau da gobe."

Dan Buwaila ya gode, sai wani lokaci wani saniya ta zo kusa da bishiyar, ta ce masa: "Ka shiga cikin wannan saniya, ka ga abin mamaki." Da ya shiga cikin saniyar, sai ga shanu masu yawan gaske, daga waje sukan zo suna huda. Bishiyar ta ce: "Duk wadannan shanu naka ne."

Bayan wani lokaci, mutanen garin sun fara zargi, suna cewa: "Ta yaya wannan yaro zai fi Sarki dukiya?" Wasu daga cikinsu suka yi zanga-zanga, suna cewa a sare bishiyar, kowa ya huta.

A nan ne aka sare bishiyar, Dan Buwaila ya zama maraya ba inda zai nemi shawara, sai ya fara kuka. Jijiyar bishiyar ta ce masa: "Daina kuka, dauke ni ka dasa." Da ya dasa jijiyar, sai sabuwar bishiya ta siro, tana girma kamar ta asali. Mutanen garin suka ga haka, sai suka sare sabuwar bishiyar, sun ce masa: "Gara ka bar garin nan, in ba haka ba, za mu kashe ka."

Dan Buwaila ya tafi da shanunsa, yana cikin tafiya har ya kai wani gari. A nan ya nemi izinin Sarki, ya yi gaisuwa, kuma ya sanar da Sarki cewa yana son zama a garinsa. Sarki ya yi murna, ya amince, ya sa aka gina wa Dan Buwaila gida.

Bayan wasu kwanaki, Dan Buwaila ya zama dan gari, kuma yana amfani da shanunsa kamar yadda bishiyar ta koya masa. Amma wasu daga cikin fadawan Sarki suka fara hassada, suna neman a kore shi daga garin.

Sarki ya ba da umarnin cewa a shuka kwarya, a nufa da ita domin ta fito ta girma. Dan Buwaila ya bi umarnin, ya kai kwaryar, sannan ya tambayi Sarki ko akwai wani Sarki da zai fi shi. Sarki ya amince, sannan ya tafi da shanunsa.

A nan Sarki ya girmama shi, sai mutanen garin suka yarda da shi. Bayan wannan, Dan Buwaila ya koma gida, ya kawo mahaifiyarsa da 'yar uwarsa, ya zauna cikin farin ciki da jin dadi tare da Sarki.